Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1201 vor der grêde gesat.
        der was gemachet ûf dem hûs
        daz der künec Artûs
        dâ erbeizete und ouch ûf saz.
        der ritter gedâhte wâ er baz
1206 erbeizen möhte dan ouch dâ:
        bî dem steine erbeizete er sâ.
        als man in diu ros emphie,
        mit dem getwerge er dô gie
        und mit sîner vriundîn
1211 mit zühten vür die künegîn.
        diu bôt im hêrlîchen gruoz.
        nû viel er ir an den vuoz,
        er sprach: "vrouwe rîche,
        nû emphâhet gnædeclîche
1216 in iuwer gewalt einen man
        dem got deheiner êren gan:
        den ich dâ meine daz bin ich.
        wider iuch vergâhete ich mich:
        des entwanc mich dehein nôt,
1221 wan daz mirz mîn schalcheit gebôt.
[ zurück ]