einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1046 daz ir deweder was ein zage,wan da ergienc wehselslege gnuoc, unz daz der gast dem wirte sluoc durch den helm einen slac zetal unz dâ daz leben lac.1051 und alser der tôtwunden rehte het enpfunden, dô twanc in des tôdes leit mêre dan sîn zageheit daz er kêrte und gap die vluht.1056 her Îwein jaget in âne zuht engegen sîner burc dan. ez het der halptôte man ze vliehen einen gereiten muot: ouch was sîn ors alsô guot1061 daz er vil nâch was komen hin. do gedâht her Îwein, ob er in niht erslüege od vienge, daz ez im danne ergienge als im her Keiî gehiez,1066 der niemens ungespottet liez: |