Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8556 mîne kranken êre,
        daz sich diu hie mêre
        daz ich gar ze lobe stê
        oder daz si vollen zegê.
        ob mir got der êren gan
8561 daz ich gesige an disem man,
        sô wirde ich êren rîche.
        und merket wie ungelîche
        uns giltet daz selbe spil.
        ez giltet im unnâch sô vil
8566 ze der zwelften mâze als ez mir tuot.
        er setzet wider valsche guot,
        sîn golt wider êre.
        ez enprîset in borsêre,
        wirt im des siges an mir verjehen,
8571 wan sô ist im dicke baz geschehen.
        ouch bin ich schiere verklaget.
        vür wâr sî iu daz gesaget,
        ern wirt des niht erlân,
        ichn welle in bestân."
8576 der wirt sprach: "saget, herre
[ zurück ]